Պարույր Սևակ

Показаны сообщения с ярлыком ԼԱՑ ԷԼ. Показать все сообщения
Показаны сообщения с ярлыком ԼԱՑ ԷԼ. Показать все сообщения

ԼԱՑ ԷԼ ԿԱ, ԼԱՑ ԷԼ


Մեկը լալիս է նորածընի պես՝
Ճչում է, սակայն... արցունքներ չկան:

Մեկն էլ բերանից ծպտուն չի հանում,
Բայց արցունքներն են շիթ-շիթ լճանում:

Մեկն էլ, ինձ նման (գուցե նաև՝ քե՞զ),
Բարձր ճչալու սովոր չէ բնավ,
Եվ արցունքներն էլ աչքից չեն հորդում,
Այլ հոսում են ներս
Ու կիտվում դանդաղ
Չեչաքարի պես ծակծկված սրտում: 

14.X.1959թ.
Չանախչի