Պարույր Սևակ

Показаны сообщения с ярлыком ԶԱՐՄԱՑՆՈՒՄ ԵՄ. Показать все сообщения
Показаны сообщения с ярлыком ԶԱՐՄԱՑՆՈՒՄ ԵՄ. Показать все сообщения


ԶԱՐՄԱՑՆՈՒՄ ԵՄ


Ահավասիկ այս խնձորը՝ 
Մեղրածորը, 
Կամ այս դեղձը՝ 
Անձեռակերտ-անստեղծը... 

Սա մի պատառ կերպափոխված արեգակ է. 
Զովություն է այստեղ դարձել նրա տաքը, 
Հոսուն հուրը ստացել է մի հստակ ձև, 
Շողն ու լույսը փոխվել գույնի, համ ստացել: 
Եվ այս՝ գիտե՞ք ինչի՛ համար, 
Միայն նրա՛, որ մեզ համար 
Արեգակը դառնա հարմար. 
Որ այս դեղձը պոկենք հիմա, 
Աղվամազոտ դունչը շոյենք, 
Այս խնձորով նախ հիանանք՝ 
Ա՛յս կողմ շուռ տանք, 
Ա՛յն կողմ շրջենք 
Եվ - թե հանկարծ սրտներս ուզի - 
Ոչ այս - ոչ այն՝ բռնենք կրծենք: 

Տարօրինակ բան չեք կարծո՞ւմ, 
Որ արև է մարդը կրծում... 

20.XI.1957թ.
Մոսկվա