ԻՄ ԱՆՈՒՆԸ Իմ անունը Մի անգամ էլ արտասանիր: Արտասանիր այնպես, ինչպես Միայն դու ես կարողանում, Հավատարիմ մնալով քեզ Ինքնամոռաց քո կարոտով, Քո քնքշությամբ անկրկնելի, Անմեկնելի քո խորհրդով… Ես լսել եմ ուզում քեզնից, Ես լսել եմ ուզում անվերջ Իմ անունը, քո կանչը ինձ: Ես լսել եմ ուզում անվերջ Իմ անունը, որ լցնում ես նո՜ր իմաստով, Հմայքներով գունեղ ու պերճ: Իմ անունը՝ ողջ աշխարհի համար անտես Քո հնչումով ամենալավ բառն է դառնում: …Իմ անունը սիրում եմ ես, Երբ որ դու ես արտասանում…